Sponsored
Earn Money
Here you may find information about value from your referrals users.
Site Statistics
1
Online Users
Forum Posts:
1
Photos:
1
Photo Albums:
1
Members:
1
Blogs:
123
Comment on Items:
5.6k+
Events:
4
Comments on Profiles:
20
Groups:
16
Marketplace:
3
Songs:
119
Music Albums:
4
Pages:
24
Photos:
6.5k+
Photo Albums:
1k+
Polls:
15
Quizzes:
14
Videos:
535
Forum Threads:
97
Forum Posts:
104
Users:
719
Status Updates:
848
#Medikaplant
Tonto
posted a blog.
DÒZ POU BANN | BÈK ATÈ | LIBIDO | ANDIRANS | STAMINA
? ?? Monte boutèy sa nèg Mòlòlò Bonjou Pwèl yo:
Men engredyan ou bezwen pou w mete nan on boutèy ou bokal kristal w ap monte pou ede w ak pwoblèm 1 minit la lè w ap fa ak boubout ou.
ENGREDYAN AK DETAY: Chache Ten Savann (orèg mawon | Damiana) melanje ak anpil jiwòf (sa se kle), kèk grenn miskad pa kraze yo twòp, jenjanm, asowosi, safran, ti pwav, doliv (moringa), mete yon ti kal fèy twonpèt, achte bwa kochon, grenn melon ak grenn joumou, lyann bande, zo devan, 3 pawòl, zokrikri, kanèl, vlope bazilik frèch fouye nan boutèy la, anetwale, kòs bwadòm, kòs zaboka, lyann savon, kòs tamaren, sitwonèl kòs mabi, 1 bout bwapen, mete yon ti kadav gate ladan l. Graje yon ti annikòn mete nan boutèy la.
Mete tout nan boutèy, lage ti madè ladan l, ti diven wouj, epi vide bon kleren move ladan. Lese l masere nan boutèy la pou omwen 10 jou anvan w ale ladan l. Si l rete pou 21 jou li bon nèt. Mete boutèy la nan lonbray ou fènwa kote solèy p ap jwenn li. Pa ekzanp anba kabann, tèt kabann, amwa, kabinèt, ets...
? ?? Pataje! Pataje! Pou ede yon nèg sispann wont!
Lòt plant afwodizyak ou ka ajoute ou konsome pou mete w sou sa:
ENGREDYAN: Lametye, woukou, lyann legliz, bwa nan bwa, sèpantye, bazilik, pwa grate, malonmen.
Nou ka pran yo sou fòm te oswa nou ka mete yo nan boutèy kleren. Si w konnen w alèji ak yon plant pa itilize l, si w nan medikaman doktè chache konn si w ka pran plant sa yo. Pran responsabilite w pou enfòme w sou chak plant w ap konsome. Sa pa angaje nou, entènèt la la pou sa oswa kontakte pwofesyonèl sante.
??. FÈ JI GASON KANSON pou bwè ak melanj kèk nan fwi sa yo: Tamaren - jenjanm - Melon - Bètrav - kawòt - Grenadya - pòmgrenad. Ajoute ti poud miskad ak kanèl si w genyen. Pran l ak siwomyèl. Si w lòt bò w pa jwenn poud Maca ajoute ladan l. Ou ka toujou mete poud moringa paske l pi fasil pou jwenn oswa ou ka konpoze poud ou, seche fèy yo epi pile yo.
PLANT BANN POU DYASPORA Sitou USA:
Yohimbe, Maca, Horny goatweed, Ginger root, Nutmeg (miskad), Cloves (jiwòf), Chinese red ginseng, Ginkgo Biloba, Damiana, Sarsaparilla, Tribulus,Bitter Kola, cat's claw, Saw palmetto...
Nou ka fè te ak yo oswa tonkti, mete nan boutèy ou bokal plastik lese tranpe nan ti kleren (vodka, Wonm).
Diplis: Yon ti poud jiwòf tranpe nan yon ti kleren, yon ti tan anvan aksyon an, ap ede w bay anpil gòl. Yon ti rasin ten savann (damiana) tranpe nan yon ti gwòg di ak yon ti miskad ap mete w djanm.
#Medikaplant | #Bann | #Libido | #Andirans
Be the first person to like this.
Tonto
posted a blog.
Dèyè Do: Plant Kle Kont Pyè nan Ren ak Anpil Lòt Maladi
Non syantifik li "Phyllanthus niruri L."
Non Anglè: Gale of the wind, Stonebreaker oswa Seed-under-leaf
Non Panyòl: Chanca piedra
Pòtigè | Brezil: Quebra-pedra
Anpil moun wè l men yo pa okipe l. Se pa yon raje li ye. Se youn nan plant mirak ki gen sou latè. Ti grenn yo pouse dèyè do l, se la l jwenn non an.Sa ap ede w distenge l ak moringa (doliv) ou flanbwayan ki fè gwo pyebwa. Pou dozaj ak resèt, ak prensip plant sa, w a ekri n. Se yon gwo zouti nan konba remèd fèy antikowona a. Gen twòp bagay pou di.
Men Kèk Bagay Plant sa Ka Fè:
- Kolestewòl: Lè w manje sa, li bese nivo move kolestewòl ak lipid nan san nou,
- Pyè nan Ren: Se pou eliminasyon pyè nan ren plant sa plis popilè nan anpil medsin tradisyonèl. Kont pyè nan ren plant sa ka fè mèvèy. Ou ka fè enfizyon, 2-3 tas pa jou pandan 15-21 jou, ou ka melanje l ak 2-3 fèy lougawou.
- Fransè yo itilize l pou fasilite eliminasyon likid atravè ren yo. Yo klase l pami espesyalite famasetik Pilosuryl.
- Nou ka fè manje ak li tankou jan nou konn itilize lyann panye ak doliv (monringa) nan manje, nan diri, mayi kole, soup, elatriye, kont maladi sik oubyen kont pyè nan ren.
- Li pwoteje fwa nou
- Bon pou Sante Vant nou: san l pa afekte bakteri ki itil sistèm dijestif la, li reyisi li bloke kwasans elikobaktè pilori (bakteri ki jouke nan vant nou pafwa epi ki lakoz ilsè)
- Antikansè | antifonjik | antiviral | antibakteryen
- Lafyèv ak Malarya: Bouyi fèy la fè beny, pran anpe pou bwè kòm te pou kwape lafyèv ak malarya. Ou ka pile 3 ponyen mete l nan mitan tèt ou, mare l ak yon konprès. Plant sa gen twòp mirak li ka fè men li popilè anpil tou nan ka eliminasyon lafyèv.
DIPLIS:
Men kèk lòt bagay nou ka itilize plant sa:
- Detòks pou netwaye kò nou: Plant ak fèy la fè 1 tas te, 3 fwa pa semèn X 2 semèn.
Dyabèt ak Opresyon: Detoksike kò a, branch lan ak tout fèy bouyi pou konbat opresyon ak dyabèt.
- Manman ki Manke Lèt: Pile rasin nan mete nan lèt bay fanm nouris ki pa bay ase lèt.
-Li fè mirak nan trete lafèv ale vini - larat - fè w pipi
- vant fè mal, pwoblèm gaz - balonnen; bouyi tou plant lan nèt pou sa.
- Li sere ak manyetize tisi nan kò nou yo djougan djougan. Ou ka pile plant lan epi pran ji a kòm tonik pou manbre fonksyon ògan yo.
-Enflamasyon: Pile dèyè do a epi pran ji plant lan tanponnen arebò kont anflamasyon nan je;
- Jonis: rasin nan konbat jonis
- Parazit: Elimine tout parazit ki nan kò nou ak sou oswa nan po n.
__________________//////___________///////___________________
#Medikaplant | #DèyèDo | #pyè_nan_ren
-- Sipòte #Medikaplant lè w envite plis zanmi abòne ak paj la olye yo jis vin konsome men yo ede paj la rive jwenn plis moun pou sove lavi plis moun san yo pa egoyis.
Our Mobile Apps
Download by links below our native android and ios apps
