58BC34A9-AFC6-4CA8-87FA-D9F46C9AF484

Sifilis (Syphilis) se yon MST (Maladi ki transmèt nan fè bagay). Kijan nou ka idantifye l epi trete l? ANN PATAJE MESAJ SA A Sifilis bay gwo pwoblèm sante, li kòmanse manifeste ant 10e a 90e jou fi a te ale nan kontak avèk moun ki enfekte a. Mikwòb ki bay li a se yon bakteri ki rele "treponema pallidum". ?Li fè bouton parèt nenpòt kote nan kò a, tankou nan lang, nan po bouch, nan bouboun, nan pijon, nan pye, nan plas pye, nan plas men, nan kwis, etc. Bouton sa yo tankou ti blad byen di koulè woz oubyen krèm, lè yo pete yo fè maliy, yo kite sikatris. ?Li bay gwo doulè nan atikilasyon yo (koud bra, jenou, ...). Gen 2 tip de sifilis: 1) "Syphilis congénitale" se lè yon timoun tou fèt avè l. Pwoblèm sila a rive lè manman an pase l bay foetus la depi nan vant si li pat gen bon akonpayeman nan gwosès la. 2) "Syphilis nerveuse" se lè maladi a rive nan yon stad avanse si li pa trete li atake sistèm nève malad li, li ka fè l vin entatad, pèdi tèt li pimal pase yon moun ki fè "Alzheimer". Maladi sa a gen plizyè stad nan devlopman li, nan premye stad la "stade primaire" li parèt tankou yon ti mak won ke nou rele "chancre" ki pa bay doulè e ki pral disparèt annapre. Apre kèk tan li retounen ("stade sécondaire") avèk anpil bouton oubyen gwo mak nenpòt kote sou kò malad la e li kite sikatris. Nenpòt moun ka pran l si li fè bagay san kapòt oubyen nan sèks nan bouch. TRETMAN Si w sispèk ke ou fè sifilis, kouri ale lopital, mande pou yo fè yon tès triponik (TT) pou ou. Si li pa trete, li ka rive atake kè, sèvo ak lòt ògàn nan kò yon moun, li ka mennen l nan lanmò. Enjeksyon "benzathine benzylpénicilline" oubyen konprime "doxycycline 200 mg" sou rekòmandasyon medikal. PA BLIYE PATAJEL, se yon jès ki ka sove lavi! Docteur Laurent