FLASH
MÈRI PÒDPÈ ANONSE OFISYÈLMAN FÈMTI SIMITYÈ PIBLIK PÒDPÈ ATRAVÈ YON KOMIKE
Atravè 2 kominike ki soti youn dèyè lòt anba plim otorite Minisipal PòdPè nan dat 7 jen 2023 fè konnen "pèsonn pa gen... View moreFLASH
MÈRI PÒDPÈ ANONSE OFISYÈLMAN FÈMTI SIMITYÈ PIBLIK PÒDPÈ ATRAVÈ YON KOMIKE
Atravè 2 kominike ki soti youn dèyè lòt anba plim otorite Minisipal PòdPè nan dat 7 jen 2023 fè konnen "pèsonn pa gen dwa fouye twou pou tere mò nan simityè PòdPè a. Depi kominike sa a pibliye, ansyen (simityè) piblik la fèmen. Simityè Lasalin lan ki twouve li nan 6ème seksyon kominal komin Pòdpè a se nouvo simityè kominal PòdPè.
Annatandan, moun ki genyen kavo, tonbo kapab sèvi avèk yo pou tere mò. Pandan tan sa a administrasyon an pwofite fè tout moun ki gen yon plasman kav, tonbo nan simetyè piblik la nan Pòdpè yo gen jiska 30 jiyè pou yo pase nan meri pou yo ka anrejistre fòmèlman pandan y ap mache ak yon dokiman ki pwouve sa.
Josue Alusma ki pote sinyati li anba kominike sa yo fè konnen administrasyon Kominal PòdPè pran desizyon sa yo aprè yo konstate kondisyon ansyen simityè kominal PodPè a ye jounen jodi a. Tèren li te konstwi a vi n twò piti, popilasyon an ap ogmante, pagen posibilite pou nou elaji espas la, ni pou ta pote yon reyabilitasyon.
Lòt bagay ki ta pouse administrasyon Kominal Pòdpè a aji konsa tou se nan sousi pou pwoteje anviwonman sant vil Pòdpè a. Se yon fason tou pou fè respekte kò dèfen yo, pandan y ap repoze yon kote ki pwòp.
Otorite Minisipal yo pwomèt yon lòt kominike ap sòti pa lontan, pou di kòman yon sitwayen kapab genyen yon anplasman nan nouvo simityè Minisipal sa a.
Nou poko gen reyaksyon sitwayen nan vil la, men Mèt Andalasse Mertilus salye desizyon otorite yo selon politisyem an "Li (Josué Alusma) resi fè ti yon bagay zwit
Wilgens Devilas
